Naki 873 ngut kiwa liwan cha Meghalaya na Tamil Nadu, 12 ngut da chem wa da yoh ki ya u khñiang khlam COVID-19 deiwa leh yaka Rapid Diagnostic Test Kits.
7 ngut na kini toh kiwa na East Khasi Hills, 4 ngut na Tura wa uwi na Ri-Bhoi.
Ya kini da kit wut wut cha ki Quarantine Centre ha ki jar jiar ki District.
Na kini da chim leh ki nongmuna (Sample) yong ki yow phah leh won saka PCR Test ha NEIGRIHMS wa Tura Civil Hospital.
Ka Result yong ki 4 ngut wa na Tura wa uwi na Ri-Bhoi kiwa da pyndep won ya kani ka Test, da chem wa ym em ki ya uni u khñiang katwa ki 7 ngut won na East Khasi Hills daw tip mynstep ka sngi pyntip u Deputy Chief Minister u Prestone Tynsong. Da yooluti u wa kini ki 7 ngut kiwa dang sah leh daw man ki kiwa lait na u COVID-19.
Da e khublei u leh ya waroh ki DC, ki DMHO wa kiwa synchaar chnong kiwa da kreh chitom wow pdiang ya kini kiwa wan na Tamil Nadu miet wa sngi khlem thiah.
Kam wow pynkynmoo wa waroh kiwa wan psiah da leh yaki da ka Rapid Diagnostic Test Kit kawa ye u e Result du hadien kattu katni por.
Discussion about this post