12 tylli ki chnong ha West Jaiñtia Hills kam kiwa da lait nei kjut TB

Kam chibynta ka World Tuberculosis Day, neiliang ka yung krehkaam ka District Tuberculosis Officer, West Jaiñtia Hills da pynman ko ya ka lai Rally deilang ki pynsñiawthooh paidbah hapoh ka District heiwa ynnin ka sngi ha Jowai da pyman ya kani deiwa sdang na Tpep Pale wei da pynkut da ka yalang wa pynman ha District Library Auditorium, Mynthong, Jowai.

Ha kani ka yalang da pynbna leh ya 12 tylli ki chnong kiwa da lait nei kjut TB katkam ka thong ka Tuberculosis Elimination Programme. Kini ki chnong toh ka Kongwang, Ladjaplem, Larem Shyiap Nongtalang Shnongthymme, Pamtadong, Madan Tyrpait, Iongshiwait, Bhain, Khadkasla, Mookyndeng, Khliehumbuit wa Khliehsniriang. 

Neiliang ka Dr. P. Shylla, District Medical and Health Officer, Jowai da ong ko wa neidaw wym sñiawthooh bha ki bru ya kani ka kjut TB da wanrah pathan dei tieñ ha ki bru. Kamtæ da pynchlur ko ya kiwa yoh yeini i kjut wow wan ki chakhmat yow ye u pyndooh jait noh ya kani ka kjut TB.

Ha kani ka sngi da sdang leh ya ka “Taking Care of Everyone: TB Free Meghalaya Campaign” kawa man ka 100 sngi ka TB Campaign yow lai pynsñiawthooh paidah yow poi cha ka thong wow pyndooh jait yeini i kjut. 

Kam chibynta wow burom ya kiwa kreh chitom yow pyndooh jait yei kjut TB da pynkup burom ya kiwa boon kiwa kreh: 

Related posts

Maham ka sorkar ya ki Hotel ki Restaurant kiwa kheiñ deilang ka bai Gas ha ka Bill

March 25, 2026

Poi Hospital ka Sonia Gandhi

March 25, 2026

Yei naam namo ka Award for Best Medical Officer da e cha u Dr. Tennyson Suchiang, Medical and Health Officer I/C of Laskein CHC hapoh ka Laskein TU wa u Dr. Dapmi Hinge Medical and Health Officer I/C Nangbah PHC hapoh Jowai TU yei kreh chitom ki yow pyndooh jait ya ka Tuberculosis. 

Ka Award for Best Treatment Supporter da e cha ka Dukahi Shadap na Laskein CHC hapoh ka Laskein TU wa cha ka Riyung Kyndait na Nartiang PHC hapoh ka Jowai TU yei kreh chitom ki wow e yei sumaar wei kyrchaan ya kiwa yoh kjut. 

Ka Award for Best Dots Provider da e cha ka Tiewlymery Suchiang S/N Sahsniang PHC, Laskein TU wa cha u Dawanheipor Shylla S.I. Nangbah PHC, Jowai TU. 

Ka Award for Best MLHP da e cha ka Ibaiada Syiemlieh na Shiliangmyntang S/C, Laskein TU wa cha ka Sambhawaka Nartiang na Mihmyntdu HWC. 

Ka Award for Best ASHA da e cha ka Ribait Sten na Sahsniang PHC, Laskein TU wa cha ka Baiahunlang Talang na Wahiajer S/C, Jowai TU. 

Da e leh ki muhor sahnaam cha kiwa puræ Nursing ka Dr. Norman Tunnel Hospital, Jowai yeiwa e kyrchaan wei chibynta ki ha kani ka yalang.