Ka sorkar Meghalaya u sdang biang ko wow wai yow ksoh yei bhah (Slot Booking) neibynta wow chim yei tika COVID-19 ya kitu kiwa em 18 snem hadooh 44 snem i rta.
I leh ya ka Slot Booking u sdang i nadooh 12 waje pyrdi sngi ka 10-06-21.
Ya ini ye wow leh lyngba ka Wesbsite www.cowin.gov.in deiwa Register chwa katwa kitu kiwa da dep Register ye ki wow ksoh yei bhah deiwa jied ya i thaw e tika iwa em chajan dooh ki.
Ha kani ka kynti da pynboon ya ki thaw e tika ki yong ka sorkar kamjooh ki Hospital ki bru samen heiwa ha ki Hospital ki bru samen hap wow su T. 500 katwa ha ki thaw sumaar ka sorkar man i dei mynkna.
I por wow e tika da booh nadooh 9 waje i step hadooh 4 waje i janmiet heiwa i bhah wa da booh ha ki jar jiar ki thaw sumaar ye phi wow pait heini ha wah.
Ya i chim yei sien wa ar i tika toh wow leh hadien 12-16 tayaw.
