Ka Northeast Institute of Professional Studies (NeIPS) kawa em ha Mynthong, Jowai kawi na ki chlem esikai mynkna wada kyrchaan poisa da ka yungkrehkam u Deputy Commissioner, West Jaiñtia Hills lyngba ka Skill Meghalaya, ynne ka sngi da saam Certificate ko cha ki 120 ngut ki khynroo khyllood wa da pyndep yei chah hikai na kani ka thaw ha ki bynta waphær waphær wa kynthup kam ka Commis Chef, Cosmetology, Fashion Designer wa Mobile Phone Hardware Repairing Technician.
Da wan wow saam ya ki Certificate wa ki License cha kiwa da chah hikai, da u Lambormi Suchen uwa man u Skill Development Officer & Member Secretary District Skill Committee, Jowai uwa da kyntu leh wow pteiñ bait yei sap wada dep chah hikai khnang yow lait u sepai hadien habood.
Da kyntu u leh wow sdang noh ki u kreh yei kaam lada em yumut ki u thooh yarap naka sorkar, neibhah wa ya ki kynja yarap poisa namo Financial Assistance ye u yarap du ya kiwa bien u sdang chwa yei kreh.
Neitæ da kyntu u wow e ki dei Phone Number wa pynemkaam ki cha kani ka chlem esikai wei wow rap phone leh neibhah ye ki u phone chaki khynnah wa dep chah hikai heiwon iwon i por iwa toh neibynta i myntoi yong ki hi.
Discussion about this post