Ka Meghalaya Human Rights Commission (MHRC) deiwa emlang u Chairperson ko, u Justice T. Vaiphei deilang wa ki dkhot, ka B. Giri, u P.J.P Hanaman da lai hiar ki khlem da pynbna chwa cha ka District Prison & Correctional Home, Jowai ynne ka sngi deiwa emlang u F.M. Dopth uwa man kam u Secretary ka Commission.
Ka Commission da chem ko wa kani ka patok ka District toh kawa da khynnia bha kawa da chna du neibynta 120 ngut ki koidi tangwa da kset 298 ngut kamwa man kattæ.
Neiliang ka Commission da phah ko ya u Deputy Superintendent of Police ka District Prison & Correctional Home wow pynkylla chipor ya ka Vocational Training Hall kam ka thaw sah ki koidi yow pynkyllooid ya ki thaw sah wa da khynnia katni.
Ya kani ka thaw e sikai namo ka Vocational Training toh u rah noh ka cha ka kamra Video Conference kawa biang i heh yow pynman ya ki e sikai.
Ka Commission da kwah ko leh wa toh u chna pyneh ya kani ka patok yow pynkyllooid ya ki thaw kset ya ki koidi wei da chem wa em du kawi ka paikhana ha kawi ka bynta namo ka Ward wa kset ya ki koidi kawa em hadooh 50 ngut kawi ka Ward, kamtæ da emkaam wow chna chooh chooh ya ki paikhana.
Ka Commission da phah ko leh ya u Deputy Superintendent kani ka patok wow phah ya ka Report yong ki mukotduma kiwa dang sahteiñ yong kini ki koidi wa chah kset yow ye ka Commission wow lai rah hakhmat ka Legal Sevices Authority yow pyndep smat yei bichaar iwa daw yarap wow pynkyllooid ya kani ka patok.
Chooh chooh ka Commission da pynsñiaw ko leh yei wym sñiawkmen wym em Doctor ha ini i por wa wan ki neibhah wa em boon ki koidi kiwa emkaam yei pait i sumaar ki Doctor.
Discussion about this post