U Montri Rangbah ka jylla, u Conrad K Sangma ynne da lai chimbynta u ha ka CM Elevate Conclave, 2024 kawa da pynman ha U Soso Tham Auditorium, Shillong deiwa emlang ka Montri ka chnat Agriculture & Farmers’ Welfare, ka Dr. M. Ampareen Lyngdoh deilang waka MLA ka Sutnga-Saipung, ka Santa Mary Shylla.
U Conrad da ong u wa i thong ka CM Elevate toh yow pynchlur ya kiwa seiñ khih deiwa yarap poisa ya ki kamjooh wow e mynsien yow pynmankaam yei buit yong ki khamtam kiwa dang khynroo.
Da pyntip u wa da em 1254 ngut kiwa da yoh myntoi wei ka poisa wa da e yarap cha ki dapoi ko hadooh Rs. 56 klur lyngba kiwa boon ki Scheme ka CM Elevate da ka thong wow pynmih 50,000 tylli ki kreh.
Ha kani ka yalang da saam leh ya ki chithi thung kreh cha kiwa man kam ki Village Data Volunteers (VDVs), ki wow man kam ki khmat ki chkoor ka sorkar kiwa daw lai pynpoi heipor ya ki kaam yarap wa e ka sorkar wei u pynlang pynlum yukheiñ ki yow tip ka sorkar iyi wa toh u leh ko.
Da pynlait paidbah leh yaka Meghalaya State Floriculture Mission ha kani hi ka yalang deiwa booh thong wow yoh myntoi 3100 ngut haka bhah wa nyngkong deiwa booh Rs. 240 klur neibynta ki le snem yow pynman yaka Meghalaya kam kawa pynmih chiboon ki jait syntu.
Da saam leh ya ki Cheque wa ki Sanction Letter cha kiwa yoh myntoi naka Prime Agriculture Response Vehicles, Piggery Development, Poultry Farming, Goat Farming, Common Facility Centre, Agriculture Warehouse Scheme hapoh ka CM Elevate Program wei da saam leh ya ki Sanction Letter hapoh ka Meghalaya Floriculture Mission.
Da pynlait leh yaka Mission Document ka Meghalaya State Floriculture Mission waka Meghalaya GDP Vision 2028.
Discussion about this post