U montri i chait i khiah ka jylla Meghalaya u AL Hek da pyntip u wa kiwa dang yoh COVID-19 ha Meghalaya ynne ka sngi da em ki 126 ngut katwa kiwa chait da em ki 5 ngut.
Ini leh man ko iwa boon dooh iwa ku haka chi sngi hapoh ka jylla heiwa kiwa boon dooh toh ha East Khasi Hills kiwa em 106 ngut, ha West Garo Hills 12 ngut, East Garo Hills 1, Ri Bhoi 6 wa ha West Jaiñtia Hills 1.
Na kiwa dang yoh ha East Khasi Hills- 5 ngut toh ki wakreh ha Ganesh Das Hospital, 1 na Rilbong wa man kam wakreh hei chait i khiah ka sorkar pyrdi, 16 ngut ki BSF, 3 ngut ki CRPF wa 41 ngut na kiwi ki chnat chipai wa 1 na OPD ka RP Chest Hospital. Na i leh Test yaki paidbah namo ka Random Testing ha Shillong, da chem ya 11 ngut na Khlieh Iew, 10 ngut na Motphran, 13 ngut na Anjalee wa 5 ngut na Police Bazaar.
Ha West Garo Hills kiwa dang yoh toh 10 ngut ki BSF wa 2 ngut kiwa chem deiwa Test paidbah ha Tikrikilla.
Ha Ri Bhoi kiwa dang yoh toh 5 ngut kiwa liwan na baar jylla wa 1 wa yabi.
Ha West Jaiñtia Hills da em 1 wakreh ha MCH Hospital Jowai (Corona Care Centre) wa yoh.
Kiwa dang chait dang neh ki kamwa jooh nadooh ynne i step kiwa em 5 ngut ha East Khasi Hills kiwa 4 ngut ki BSF wa 1 bru paidbah.
Kiwa dang em ya u COVID-19 hapoh ki District ka jylla man ki kamni ha wah:
East Khasi Hills-571 (BSF-108, na kiwi ki chnat chipai-117, ki bru paidbah 346 ngut)
West Khasi Hills-3
South West Khasi Hills-1
Ri Bhoi-101
West Jaiñtia Hills-5
East Jaiñtia Hills-8
West Garo Hills-219
South West Garo Hills-4
South Garo Hills-2
East Garo Hills-1
North Garo Hills-10
Kiwa dang em ya uni u khñiang da em ki 925 ngut, kiwa da chait da em ki 730 ngut wa 6 ngut kiwa yap iwa da poi 1,661 ngut kiwa da dep yoh COVID-19 ha Meghalaya.
Ki nongmuna kiwa da dep phah Test da em ki 45,151 tylli, kiwa ym em chah ktah namo kiwa man Negative da em ki 43020 katwa kiwa dang yang Result da em ki 470 tylli.
Kiwa liwan waroh da em ki 24471 ngut.
