Kiwa dang yoh COVID-19 ha India ha kini ki 24 kynta da em ki 1,26,789 ngut iwa da pyntam ya waroh kiwi ki sngi yei boon dooh kiwa dang yoh ya uni u khñiang, kiwa dang chait da em ki 59,258 ngut, kiwa dang yap da em ki 685 ngut iwa mut wa kiwa dang em ya uni u khñiang da ku ki da 66,846 ngut.
84% na kiwa dang yoh toh toh kiwa em ha ki 10 tylli ki jylla kiwa boon dooh ha Maharashtra 59,907 ngut, Chhattisgarh 10,310 ngut, Karnataka 6,976 ngut, Uttar Pradesh 6,002 ngut, Delhi 5,506 ngut, Madhya Pradesh 4,043, Tamil Nadu 3,986, Gujarat 3,575, Kerala 3,502 wa ha Punjab 2,963 ngut.
Na kiwa dang yap kiwa boon dooh toh ha Maharashtra 322 ngut, Punjab 62 ngut wa ha Chattisgarh 53 ngut.
I boon kiwa yoh na kiwa chah Test kawa tip kam ka Positivity Rate hawa nujor haka chityaw kitæ yong ka tayaw wa nyngkong u March wa u April da ku ko da 6.21% naka 2.19% yow em 8.40%.
Waroh kiwa da chait da em ki 91.67% kiwa em 1,18,51,393 ngut, kiwa dang em ya uni u khñiang da em ki 7.04% kiwa da ku cha 9,10,319 ngut, kiwa yap da em ki 1.29% kiwa em 1,66,862 ngut, deilang dapoi 1,29,28,574 ngut kiwa da dep yoh ya uni u khñiang.
Heiyatoh won wa i e dawai, da tam 9 klur sien wa da dep e iwa dapoi 9,01,98,673 sien. Ini kynthup i ya ki HCW (89,68,151 ngut kiwa yoh yaka 1st Dose wa ki 54,18,084 ngut kiwa da yoh yaka 2nd Dose), ki FLW (97,67,538 ngut kiwa da yoh ya ka 1st Dose wa 44,11,609 ngut kiwa da yoh 2nd Dose), kiwa da em 60 snem chaneiñ (3,63,32,851 ngut kiwa da yoh yaka 1st Dose wa 11,39,291 ngut 2nd Dose), kiwa em 45 snem hadooh 60 snem (2,36,94,487 ngut 1st Dose wa 4,66,662 ngut 2nd Dose).
