Jowai: Ka Result ka Central Board of Secondary Education (CBSE) kawa pynbna neibynta ka Class 10 ynne ka sngi da em 13 ngut ki khynnah wa yoh 499 Marks naka 500 Marks wei 7 ngut na ki toh kiwa naka thaaiñ Dehradun. Waroh won da em 97 ngut kiwa ksohlang yaka kyrdan nyngkong, wa ar wa kiwa yoh wa le.
I Pass Percentage ha uni u snem da poi ko 91.1% iwa da ku 4.40% heiwa ki kynthai da leh bha ki ya ki chynrang da 2.31%.
Ka Union Minister ka Smriti Irani ha Twitter da pyntip ko wa ka khon ko da yoh ko 82% iwa da wanrah yei kmen ya ka kam ka manbei.
Neiliang u montri rangbahdooh ka ri u Narendra Modi da e khublei u ya waroh kiwa lehbha deiwa pyn eh bok eh nasib ya ki ha ki luti wow lai ki chakhmat wei da e khublei u leh ya kiwa sikai wa ki bei ki pa.
Ka thaaiñ Trivandrum waka Chennai da yoh nyngkong wei wa ar deiwa yoh Pass Percentage 99.85% wa 99%, katwa ka Guwahati yoh duna dooh ko deiwa yoh 74.49%.
Discussion about this post