Ka sorkar ka Andhra Pradesh da pynbna ko wow pynkha syndon 13 tylli ki District thymme hapoh ka jylla yow pynku ya waroh ki District cha 26 tylli waroh iwa man ar chah ya kiwa da em chwa.
Ini da man ko leh kam chibynta ki kular Election ka sorkar u Y S Jagan Mohan Reddy ha u 2019 heiwa ha u Naisaphra 2020 da sdang wow leh ya ini i kaam tangwa da sahteiñ neidaw wa yang chwa yei pynman Census heiwa ym chah wow pynkylla wei wow liar thymme ya u pood u ang kiwa chong chnong.
Ki District thymme toh ka Anakapalli (wa da mih naka Visakhapatnam District), ka Konaseema wa Kakinada (kiwa da mih naka East Godavari), ka Eluru (wa mih naka West Godavari), ka NTR (kawa da pynmih naka Krishna), ka Bapatla wa Palnadu (kawa mih na Guntur), ka Nandyal (na Kurnool), ka Sri Satya Sai (na Anantapuramu), ka Annamayya (na Kadapa) waka Sri Balaji (na Chittoor).
Yeini leh da pynbna da u Chief Secretary ka jylla u Sameer Sharma kam chibynta wow pynsuk wei pynjan ya ki paidbah cha ka synchaar khadar.
