Ka Meghalaya State Legal Services Authority (MSLA) da pynman ko ya ka National Lok Adalat ha ka 12 tarik uni u bnai ha waroh ki District ka jylla hapoh i pyrtuid ka National Legal Services Authority (NALSA) deiwa pait u Justice Sanjib Banerjee, Chief Justice, High Court ka Meghalaya kamjooh u Patron-in-Chief ka Meghalaya State Legal Services Authority (MSLSA) deiwa pait lang leh u Justice H.S. Thangkhiew, Judge, High Court ka Meghalaya uwa man leh u Executive Chairman ka Meghalaya State Legal Services Authority.
Ha kani ka National Lok Adalat, da chong bichaar ya 862 tylli ki mukotduma ki wym pu em poi cha ka yung bichaar wa 478 tylli kiwa dang sahkut hei bichaar.
Waroh ki mukotduma wa da chim ha kani ka National Lok Adalat da em ki 1340 tylli heiwa na kini da ye wow pynbait 220 tylli deiwa su T. 1,06,40,207.
