Jowai: Ynnin ka 6 tarik hadien wa yoh ya ka yutip wa tikna wa daw em i dai drugs ha Khliehriat, East Jaiñtia Hills neiliang ki pulit ka ANTF ka District wa na West Jaiñtia Hills kamjooh na Khliehriat Police Station da kem ki ya kawi ka kari Maruti Alto Car rong rupa wa em u No. WB-02W-8025.
Napoh kani ka kari da yoh 14.83 gms i drugs Heroin wei kiwa em hapoh ka kari toh u Md. Zakir Hussain Laskar (32 snem) u khon u Shuna Mia Laskar na Khelma Village Part VIII PO: Gumra Bazaar PS: Katigorah District: Cachar, Assam wa u Imranul Hoque Laskar (27 snem) u khon u Habibur Rahaman Laskar na Khelma Village Part VIII PO: Gumra Bazaar PS: Katigorah District: Cachar, Assam.
Ya kini ki ar ngut da kem noh da ki pulit wei da register ya ka mukotduma hajrong ini.
Chooh chooh ya ini i drugs da thmu wow dai cha ki bru kiwa napoh ka jylla hi wei ki pulit dang pynman ki ya i takit wa yillu hajrong ini waroh.
Discussion about this post