Kam chibynta ka tamasa wa tip kam ka Loomkyntoor Music Festival daw pynman leh ya ka yakob miat kynthai wa tip kam ka Miss Loomkyntoor 2023 ha Loomkyntoor Resort wa em ha Shkenpyrsit, Amlarem Civil Sub-Division ka West Jaiñtia Hills District.
Kani ka Loomkyntoor Music Festival toh kawa daw pynman ar sngi ha ka 20 wa 21 tarik uni u Naichiphaw heiwa ya ka Miss Loomkyntoor daw pyman ha ka 21 tarik kawa daw sdang heipor 4:00 waje thij i janmiet.
Ki khyllood kiwa da wan chakhmat wow yaknieh jop yei naam Miss Loomkyntoor da em ki 14 ngut kiwa na kylleiñ ka Ri-loom Jaiñtia wei em leh kiwa na Shillong wa kiwi de ki thaw.
Na kini da em leh kiwa da jop yei naam Miss Lukha, Miss Myntdu, Miss Iongpiah, Miss Shangpung, Miss Rynji, Tyrchi Queen, Miss Lasubon Ksiar, Winter Queen, Miss Fresher KNGC wei em leh kiwa da chimbynta ha ka Miss Meghalaya 2023 wa kiwa man kam ki Model ha Shillong.
Kawa jop ya kani ka Miss Loomkyntoor 2023 daw yoh ko leh yaka song poisa kawa Rs. 50,000 kawa yoh wa ar u yoh ko Rs. 30,000 katwa kawa yoh wa le won u yoh ko Rs. 20,000.
Kamtæ da khut sñiawbha ya phi ki paidbah wow ya wan cha kani ka tamasa kawa daw em leh kiwa boon wow pynwyrngia nadooh kiwa tem wa pawnaam kiwa na Delhi, Mumbai wa Ukraine ha kini ki ar sngi.
Ka bai Ticket u man ko Rs. 300 chi sngi tangwa lada wan phi waroh ar sngi ye phi wow thied da ka Ticket wa ar sngi kawa Rs. 500 donhi.
Discussion about this post