U montri i chait i khiah ka jylla Meghalaya u A.L. Hek da pyntip u wa hadooh 1 waje ynne ka 13 tarik, kiwa dang yoh COVID-19 hapoh ka jylla da em ki 14 ngut katwa kiwa dang chait da em ki 30 ngut kiwa neh katjooh nadooh i step.
Na kiwa dang yoh thymme, 11 ngut toh kiwa na East Khasi Hills kiwa kynthup ya 8 ngut ki bru paidbah wa 3 ngut na ki chnat paidbah. Ha North Garo Hills 1 bru paidbah wa 2 ngut ki bru paidbah ha West Garo Hills.
Na kiwa dang yoh thymme ha East Khasi Hills- 2 ngut toh kiwa liwan na Gujarat la 2 bnai nachwa, 2 ngut kiwa chitom SARI, 1 Nurse ha NEIGRIHMS, 1 wa yabi na kiwa yoh COVID-19, 1 wa liwan na Assam, 1 pulit wa lai na Pynthorbah cha North Garo Hills wei da suba wa yabi para pulit. Ha West Garo Hills 1 wa wan na Assam wa 1 wa chong dukan.
Kiwa dang em ya u COVID-19 ha ki District man ki kamni ha wah:
East Khasi Hills- 436 (BSF-86, na kiwi ki chnat chipai-72 wa ki bru paidbah-278)
West Khasi Hills: 3
South West Khasi Hills: 1
Ri Bhoi: 83
West Jaiñtia Hills: 16
East Jaiñtia Hills: 6
West Garo Hills: 84
South West Garo Hills: 2
South Garo Hills: 3
North Garo Hills: 6
Kiwa dang em ya uni u khñiang da em ki 640 ngut, kiwa chait 547 ngut, 6 ngut kiwa yap iwa da pynpoi 1,193 ngut kiwa da dep yoh COVID-19 hapoh Meghalaya.
Na ki nongmuna wa da dep phah Test da em ki 42,706 tylli, kiwa man Negative da em ki 41,097 tylli wei dang yang yaka Result ki 416 tylli.
Kiwa liwan chapoh ka jylla da em ki 27,522 ngut.
