Ka yalang ki Cabinet Secretary yong ki chnat sorkar pyrdi waphær waphær wa pynman ha Delhi heiyatoh wa i pynkreh wow yada wei wow pynkhreh wow yaleh ya u khñiang COVID-19 hapoh ka ri da pynman ynnin ka sngi yow chim leh yaki rai heiyatoh i wan kiwa na baar ri.
Da chim yaka rai wa ya waroh kiwa liwan cha India na baar ri wow pait bniah ki pyn da ki ya ki hi yei chait i khiah yong ki deiwa bood ya kiwa hoi u leh wa ki wym hoi u leh “DOs and DON’Ts”, da leh ya ini neidaw u khñiang COVID-19 da poor u cha palat 100 tylli ki ri, kamtæ kiwa wan na baar ri em ki ka laad wow yoh ya uni u khñiang na ki ri wa lai ki kamjooh ha ki Airport.
Waroh kiwa wan na China, Hong Kong, Republic of Korea, Japan, Italy, Thailand, Singapore, Iran, Malaysia, France, Spain wa Germany toh u chong kset (Self Quarantine) ki khlem mih 14 sngi nadooh ka sngi wa poi ki chapoh ka ri wei u kreh ki na yung ha kitai ki sngi.
Heiyatoh won wa ki VISA, nalor ki hukum wa da dep pynmih chwa, waroh ki Visas (wa kynthup yaki eVisas) wa da e cha ki nong France, Germany wa Spain ha namo chwa ka 11-03-2020 wa ya kiwa ym pu em psiah cha India man ki kiwa da chah pyndam. Ki Visa (wa kynthup ya ki eVisa) wa da e cha ki baar ri wa da wan na ki ri wa da kdaw haneiñ ha namo chwa ka 01-02-2020 kiwa ym pu em psiah cha India, ya ki VISA yong ki leh da pyndam. Ki Visa yong ki baar ri kiwa da em chwa ha India u man ki kiwa im hi.
Da kyntu leh ya ki nong India wow yait nei lai cha ka ri France, Spain wa Germany.
Da pyntip leh wa ki 58 ngut kiwa wan lithooh na Iran kiwa da poi ki ynnin ka sngi, kynthup ki ya 25 ngut ki chynrang, 31 ngut ki kynthai wa 2 ngut ki khynnah. Ka lieñsuiñ ka IAF C-17 da poi ko heipor 9:27 i step wei waroh kiwa wan lithooh da ym em ki yei chitom.
Discussion about this post