Hadien wa ki jylla ka Northeast da beiñ ki yei chah klam khlemakor ki 3 ngut ki kynthai na Arunachal Pradesh ha kawi ka bru wa u kurim ko ha i yung wa sah ki ha Malviya Nagar, ki pulit ka Delhi da kem noh ki ya kani ka manbei deilang wa u kurim ko.
Da Register ki ya ka Case ha Malviya Nagar Police Station hapoh ka Section 79, 351(2), 3(5) wa 196 ka Bharatiya Nyaya Sanhita (BNS) pyrchah ya u Harsh Singh wa ka kurim u ka Ruby Jain.
Ka Chief Minister ka Delhi, ka Rekha Gupta da beiñ ko yeini i jia yeiwa maham wei klam khlemakor ki chi kurim ha Malviya Nagar pyrchah ya ki le ngut na Arunachal Pradesh.
Da ong ko wa ka Delhi toh ka sor yong waroh ki jaitbru.
U Chief Minister ka Arunachal Pradesh u Pema Khandu da ong u wa ymye u pdiang ya kam ini i jia wei da yaklam u wa u Commissioner of Police ka Delhi yow kem ya kini ki ar ngut.
Katkam wa man ya ka Ruby wa u kurim ko da yoh ki pulit ka u kem ki wei da psah kset ki 14 sngi da ka Judicial Custody.
Discussion about this post