14 sngi wa 7 sngi phah kset ya ki le ngut wa emkti wow murieh ya ki sabut heiyatoh wa i chah pynyap u Raja

Ka yung kasari ynne da phah ko wow kset ya ki le ngut da ka Judicial Custody neibynta ki kaam wa chah pynbaad wow pynsih wei murieh ya ki sabut heiyatoh wa i chah pynyap u Raja Raghuvanshi.

Kini ki le ngut toh u Shilom James, u Lokendra Singh Tomar wa u Balia Ahirwar kiwa da lai yah hakhmat u Chief Judicial Magistrate (CJM) hadien wa kut ka 6 sngi wa kset ha kti ki pulit namo ka Police Custody. Hadien wa da ap da sñiaw ya ka mukotduma, ka yung kasari da chah ko wow kset 14 sngi da ka Judicial Custody neibynta u Shilom katwa ya u Tomar wa u Ahirwar da phah kset ki mar 7 sngi da ka Judicial Custody hi.

Neiliang u Assistant Public Prosecutor, u Tushar Chanda da pyntip u wa neiliang u Investigating Officer da paan u 14 sngi yow kset neibynta waroh le ngut deiwa ong wa hadooh katwon maa iwa da leh ki wei da emkaam chooh chooh wow takit ki.

Kam wow pynkynmoo wa u Shilom James toh uwa man kam u Property Dealer uwa yarap pynyoh yung wai (Flat) ha Indore ya Vishal Singh Chauhan iwa da man i thaw wa sah ka Sonam Raghuvanshi hadien wa liwan ko na Meghalaya.

Related posts

Da kyntu ya kiwa chong chnong wym toh u pynhær phok heipor wa pynman ya ka Durand Cup

July 25, 2025

Deiwa phah pynyabi ya ki Card Ration wa u Aadhaar chem ya palat 1000 tylli ki manyung wym em hok u yoh khoo rachon

July 25, 2025

U Lokendra Singh Tomar, toh uwa na Gwalior tangwa man u kam u tre kani ka Flat wa sah ka Sonam katwa u Balia Ahirwar won toh uwa kreh kam u Security Guard ha kani ka yung.

Waroh kini ki le ngut da chah pynbaad ki wa emkti ki wow murieh ya kiwa boon ki sabut kiwa yatoh wa ini i kaam pynyap bru.