Ka India dang pteiñ ko wow boon kiwa chait na u COVID-19 heiwa kiwa dang em ya uni u khñiang da em ki 15.11% kiwa em 9,40,441 ngut hadooh ynne ka sngi.
Ini toh iwa hiar naka 33.32% haka 01-08-20 chaka 15.11% ynne ka 30 tarik iwa da duna chiteiñ kiwa dang em ya uni u khñiang haki 2 bnai.
Kiwa chait leh da ku ki cha ka 83.33% hadooh ynne ka sngi deiwa em 86,428 kiwa dang chait ha kini ki 24 kynta. Waroh kiwa chait da em ki 51,87,825 ngut. Kiwa chait leh da boon chooh chooh ki ya kiwa dang em ya uni u khñiang deiwa tam yaki da 42 lak (42,47,384) ngut. Heiwa kiwa dang em ya uni u khñiang da hiar ki hapoh ka ri kiwa da neh hapoh 10 lak nadooh ka 22 tarik uni u bnai.
Palat ya 76% kiwa dang em ya uni u khñiang da em ki ha ki 10 tylli ki jylla kitæ ka Maharashtra, Karnataka, Kerala, Andhra Pradesh, Uttar Pradesh, Tamil Nadu, Odisha, Assam, Chhattisgarh wa Telangana. Ka Maharashtra dang pteiñ hi ko wow tam ya waroh deiwa em palat 2,60,000 ngut kiwa dang em ya uni u khñiang.
Da em leh 14 tylli ki jylla wa em hapoh 5,000 ngut kiwa dang em ya uni u khñiang.
Da em leh 10 tylli ki jylla wa em 78% na waroh kiwa da dep chait. Ka Maharashtra da em ko leh kiwa boon dooh kiwa da chait deiwa em palat 10,00,000 ngut kiwa da chait wei da pynbood saka Andhra Pradesh wa em palat 6,00,000 ngut.
Da em leh 80,472 ngut kiwa dang yoh ya uni u khñiang ha kini ki 24 kynta.
76% kiwa dang yoh toh na ki 10 tylli ki jylla heiwa kiwa boon dooh toh kiwa em ha Maharashtra kawa da em palat 15,000 ngut kiwa dang yoh iwa da pynbood saka Karnataka kawa em palat 10,000 ngut.
Da em leh 1,179 ngut kiwa dang yap ha kini ki 24 kynta heiwa kamwa 85% toh kiwa em hapoh 10 tylli ki jylla kitæ ha Maharashtra, Karnataka, Punjab, Tamil Nadu, Uttar Pradesh, West Bengal, Delhi, Chhattisgarh, Madhya Pradesh wa Andhra Pradesh. Palat 36% kiwa dang yap da em ki ha Maharashtra kitæ 430 ngut.
