Kam chibynta ka Loomkyntoor Music Festival 2024 kawa daw pynman ha ka 25 wa 26 tarik u October 2024, daw pynman leh ya ka yakob miat kynthai kawa tip leh kam ka Miss Loomkyntoor heiwa ynne da pynman ya ka Audition yow jied ya kiwa daw chimbynta.
Na kiwa wan yaleh Audition da jied 15 ngut wow yaknieh ya ka pangsnget ka Miss Loomkyntoor kawa daw pynman ha ka 26 tarik.
Ki khyllood kiwa da chah jied toh kiwa wan na kiwa boon ki chnong ka East wa West Jaiñtia Hills kiwa da jooh chimbynta wei kiwa jop leh ha kiwa boon ki kyrdan yakob miat kynthai kam ka Miss Tyrchi Queen, Miss Teen, Miss Dulong, Miss Nartiang, Miss Khimusniang, Miss Lukha, Miss KNGC, Miss Latyrke wa kiwi kiwi de wei em leh kiwa da chimbynta ha ka Miss Meghalaya.
Kawa jop ha uni u snem daw yoh ko ya ka song poisa kawa Rs. 50,000, kawa yoh wa ar Rs. 30,000 katwa kawa yoh wa le daw yoh ko Rs. 20,000.
Ha kani ka jooh ka sngi daw wan rwai wei pynchongchit leh da uwa na England uwa tip kam u Apache Indian.
Ya kani ka tamasa daw pynman ha Loomkyntoor Resort wa em ha Skhen Pyrsit, West Jaiñtia Hills.
Discussion about this post