Ka seiñ HANM-Jaiñtia Zone da thoh ko cha ka JHADC yow dawa pyndam ya ka sanad thung waheh chnong ya ka chnong Sookilo neidaw wa kani ym toh ka chnong wei man ko du kam ka yaw donhi.
Ka seiñ da ong ko wa ha ka 17-11-20 da dep thoh cha u Administrative Officer ka JHADC wa da thung pyrchah ya ka aiñ ya u waheh chnong ka chnong Sookilo heiwa hadooh kattæ wa da jan dap chi snem leh ym em leh iyi iyi.
Da ong wa ka yurim wa da dawa yeini toh wa ka Sookilo toh ka yaw donhi wei ym toh ka chnong wei ym em kiwa chong chnong ha kani ka yaw kamtæ da e por 15 sngi wow pyndam noh yei tipmit ya u waheh chnong neidaw wa da man ko leh pyrchah ya ka dustur riti wei lada ym leh ya kini daw rah ya ini i kaam cha ka High Court.
Chooh chooh da ong leh wa katkam ka RTI wa da yoh na u DC ka East Jaiñtia Hills, ym em kiwa chong chnong ha Sookilo kamtæ da toh wow pyndam ya ka sanad wei wow pynkylla pyrtuid leh cha ka yaw Sookilo ym toh ka chnong Sookilo.
