Hadien wa em palat 1,000 ngut kiwa yoh COVID-19 ha Kamrup Metropolitan District, Assam kamtæ da rai wa ki thaw puræ nadooh ki skur hadooh ki College kamjooh ki Hostel ha Guwahati u man ki kiwa khang 15 sngi nadooh ynne.
Ha ki 24 kynta wa da lai hapoh Kamrup Metropolitan District ka Assam da em 1,153 ngut kiwa dang yoh thymme ya u COVID-19.
U montri ka chnat i chait i khiah ka Assam, u Himanta Biswa Sarma da ong u wa hadien wa em palat 1,000 ngut kiwa dang yoh ya u COVID-19 ha Kamrup Metro, da kyntu u ya u DC wow khang lut ya waroh ki thaw puræ hadooh 15 sngi wei kiwi ki District leh kiwa chem wa em boon wa yoh ya uni u khñiang ye ki wow leh kamjooh.
Kam wow pynkynmoo heini, ha ka 22 tarik ka sorkar Assam da pynmih hukum ko wa lada em palat 1,000 ngut kiwa yoh ya u COVID-19 ha ka chi sngi, emkaam wow khang lut ya waroh ki thaw puræ.
