Da ki phaw hajar ngut ki bru da wan ki wow yaleh kreh ha ka Walk In Interview wa da khut da ka Air India Airport Services Ltd. ha Kalina, Mumbai Airport ha ka 16 tarik heiwa da antaad wa ye u em 15,000 ngut hadooh 50,000 ngut kiwa wan wow yaleh ya ki 1,800 tylli ki kreh wa lait yow man kam ki Handyman wa Utility Agent kiwa man ki jait kreh yow pynchna ya iwa sih.
Neidaw wa joor wa boon kini ki bru da yoo lakam wa daw jia iwa sñiawsih nei chah ban chah yooh ki bru, kamtæ ym yohsa de wow ong ya ki wow booh donhi ka Application wei wow liwan noh ki khlem pynman Interview.
Neiliang u George Abram, General Secretary, Aviation Industry Employees Guild da ong u wa ini i khut yaleh kreh ym em biang i rukom leh wei da kam u wa 50,000 ngut ki bru wa wan yaleh ya ki kreh wa lait.
Da ong u leh wa dadep ong ya kani ka Company wym toh u khut kreh ko ha ini i rukom wei u laiñ wa yieñ ki bru toh uwa jrong hadooh 1 Km wei da hap wow khut pulit yow lait u mih kulmar. Chooh chooh ong u wa ki kreh wa lait toh 1,786 tylli yow man kam ki Handyman wa 16 tylli kam ki Utility Agent wei ini pynyoo ko hadooh katwon ym em kreh ki bru.
Ki bru wa ye u yaleh ya ini i kreh toh kiwa da pyndep Class-X wei kiwa da em ym duna 23 snem i rta wei ka tulop da booh 22,530 chi bnai wei man ko kam ka kreh Contract kawa 3 snem.
Neiliang won u CEO ka AI Airport Services Ltd da ong u wa ki bru wa wan yaleh kreh da em ki 15,000 ngut kiwa da wan wow booh ya ka Application Form.
Discussion about this post