U montri i chait i khiah ka jylla u AL Hek da pyntip u wa hadooh ynne i sngi ka 8 tarik, kiwa dang yoh thymme ya u COVID-19 ha Meghalaya da em ki 42 ngut katwa kiwa chait da em ki 156 ngut.
Na kiwa dang yoh thymme, ha East Khasi Hills da em 25 ngut (chipai-5, paidbah-20), South West Garo Hills 3 ngut, Ri Bhoi 1 (chipai), West Garo Hills 13 (chipai-2, paidbah-11).
Na kiwa dang chait, ha East Khasi Hills da em 53 ngut, East Garo Hills 73 ngut, Ri Bhoi 3 ngut, West Jaiñtia Hills 1 wa ha West Garo Hills 26 ngut.
Ki bru paidbah kiwa dang yoh ya uni u khñiang ha East Khasi Hills toh 11 ngut ki High Risk Contact, 2 ngut ki wakreh ka Bethany Hospital, 7 ngut kiwa chitom ILI. Ha South West Garo Hills 2 ngut kiwa yah Truck wa 1 High Risk Contact, West Garo Hills 1 wa liwan na baar jylla, 7 ngut kiwa chem deiwa Test paidbah ha Rongram Bazaar wa 3 ngut ki High Risk Contact.
Kiwa dang em COVID-19 ha ki District man ki kamni ha wah:
East Khasi Hills: 920
West Khasi Hills: 30
South West Khasi Hills: 1
Ri Bhoi: 117
West Jaiñtia Hills: 11
East Jaiñtia Hills: 30
West Garo Hills: 173
South West Garo Hills: 7
South Garo Hills: 16
East Garo Hills: 25
North Garo Hills: 13
Waroh kiwa dang em ya uni u khñiang da em ki 1343 ngut, kiwa chait 1716 ngut wa 17 ngut kiwa yap.
Ki nongmuna kiwa da dep phah Test toh 102487 tylli, kiwa ym em chah ktah namo kiwa man Negative toh 98345 tylli wei da yang ka Result ki 1066 tylli.
Kiwa da psiah chapoh ka jylla da em ki 33880.
