Hadien wa ynnin ka sngi da duna bha kiwa yoh COVID-19 ha Meghalaya kiwa em du 62 ngut, ynne da ku biang palat 100 ngut tangwa kiwa chait dang pteiñ ki wow boon ya kiwa dang yoh la 9 sngi wei kiwa yap da em biang la 20 sngi khlem sangeh.
Kiwa dang yoh ynne ka 8 tarik da em ki 158 ngut, kiwa chait 285 ngut wa 4 ngut kiwa yap kiwa ha Ri-Bhoi (02), North Garo Hills (01) wa ha West Jaiñtia Hills (01).
Kiwa dang yoh kiwa boon dooh toh ha East Khasi Hills (52), West Garo Hills (35) wa ha West Jaiñtia Hills (21). Kiwa dang chait kiwa boon dooh toh ha West Garo Hills (96) wa ha East Khasi Hills (80).
Kiwa dang yap:
- Ka Kanei Sathwai (55 snem) kawa na Saitsama, WJ Hills kawa da li booh ha 02-02-2022 ha MCH Hospital, Jowai tangwa da mih liwan ko pyn ha ka jooh ka sngi wei da khlaad ko ha ka luti wa liwan ha ka jooh ka sngi. Kani toh kawa yoh COVID-19.
- U Ailang Nongkharai (29 snem) uwa na Umsaw Khwan, Ri-Bhoi uwa da li booh ha ka 04-02-2022 ha Civil Hospital, Shillong wei da khlaad u ha ka 08-02-2022. Uni toh uwa yoh COVID-19 wei em u leh kiwi ki jait kjtu.
- U Rina Syiemlieh (43 snem) uwa na Sumer, Ri-Bhoi uwa da li booh ha ka 05-02-2022 cha Civil Hospital, Shillong wei da khlaad u ha ka 08-02-2022. Da khlaad u na ka COVID Pneumonia wei em u leh kiwi ki kjut.
- U Stephen Shaiza (100 snem) uwa na Upper Bajengdoba, NG Hills. Da Test toh uwa yoh COVID-19 ha ka 02-02-2022 ha Bajengdoba PHC wei da phah ya oo cha Tura Civil Hospital yow yoh sumaar tangwa ym em lai u wei da liwan u cha yung heiwa da khlaad u ha ka 03-02-2022. Uni toh uwa emlang kiwi ki kjut.
I rukom em kiwa dang chah ktah ha ki District man i kamni:
East Khasi Hills (463), West Garo Hills (261), Ri-Bhoi (127), West Jaiñtia Hills (97), South West Khasi Hills (50), Eastern West Khasi Hills (40), South West Garo Hills (37), North Garo Hills (31), East Garo Hills (28), East Jaiñtia Hills (26), West Khasi Hills (25) wa ha South Garo Hills (23).
Waroh kiwa da chait da em ki 97.01% kiwa em 89,761 ngut, kiwa dang chah ktah 1.30% kiwa em 1208 ngut, kiwa yap 1.67% kiwa em 1552 ngut, deilang dapoi 92,521 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah, kiwa thiah Hospital wa kiwi kiwi man ki kamni ha wah:
