Ka yung krehkaam ka District Social Welfare Officer, West Jaiñtia Hills District da pynman ki ya ka yalang ynne wa kammon wow yarap ya kitu kiwa em i duna hei doh i pran heiyatoh wa kani ka Election wa daw man.
U bru chemphang ha kani ka sngi toh u D.R.J. Syiem, State Nodal Officer, Unique Disability ID Project, State Resources Centre on Disability Affairs, Civil Hospital, Shillong deiwa emlang ki bru ka Election Branch, Jowai kiwa da yaklam iyi wa da emkaam ki u leh yow ye u pynbiang yeiwa emkaam kiwa thap Vote kiwa man ki bru wa em i duna hei doh i pran namo ki People with Disabilities.
Kiwa kreh kam ki Rehabilitation Worker na ki le Block kitæ ka Amlarem, Thadlaskein wa Laskein C&RD Block da khana ya ki yeiwa emkaam wow tip ya kiyi ki jait yarap wa emkaam u pynkhreh wei kiwon ki Polling Station wa toh u lai ki. Wei lada em kiwa duna hei doh i pran ki wym em da kdaw wa man ki kam ki PwD Voter neidaw wa em i bakla, toh u pynbait smat wut-wut yeini.
Da khana leh yei em ka PwD Mobile App kawa ye u Download lyngba ka ECI Website yow Register lane pynkylla yei thaw sah ki PwD. Kani ka App chah ko leh ya kiwa man kam ki PwD wow kdaw ya idæ kam kiwa em i duna hei doh i pran deiwa jied ya u EPIC Number yong ki.
Ka District Social Welfare Officer, ka J. Synnah da pyntip ko wa em kamwa 1617 ngut kiwa thap Vote kiwa man kam ki PwD hapoh ka District. Da khana ko leh u District Medical & Health Officer, Jowai daw pynbiang u ya ki Wheelchair ha ka sngi thap Vote wei daw pynbiang kari leh lada toh iwa emkaam.
