Shillong: Ka kjut klongsnaam namo wa tip leh hei pharæng kam ka Cardiovascular Disease (CVD) man ko kawi na ki kjut wa da boon dooh hawa wayrchaw wa kiwi tawon ki jait kjut kawa ye wow poi hadooh wow dooh yei mynsien.
Ya ka sngi World Heart Day toh ka sngi wow pynkynmoo ya ki bru wow leh pyrchah ya ka CVD wei wow pynduna ya kam kani ka jait kjut, da ong u Secretary Health & Family Welfare and MD NHM & CEO MHIS, Government of Meghalaya, u P Bakshi, ha ka sngi lehwarom ya ka World Heart Day ynne ha Don Bosco Technical Hall, Laitumkhrah, Shillong.
Wow sñiawthooh yei khia ka kjut CVD wa kiwi ki NCD kiwa ye wow poi chei yap khlem toh por, u Bakshi da ong u wa ki ri ha kylleiñ ka pyrthai thooh ki ya ki laad wow pynduna ya kini ki kjut deiwa e nongmuna wa ha India heiwa da sdang ya ka Fit India Movement hajrong ka thong wow pynman ya ka ri kawa chait wa khlan.
Da ong u leh wa man i iwa emkaam bha wow sumaar ya u klongsnaam deiwa baam ya ki baam wa bha, u pynduna yei dih kiad, wow dam u dih duma wei wow leh ya ki jait lehke waphær waphær.
U Extra Assistant Commissioner, East Khasi Hills District, u Isaac Marak, kam u symbood kongsan da ong u wa i pynkylla wa khian hei rukom im ye i wow pynphær yei man i long i doh i pran, ye i wow pynduna yei chitom klongsnaam kamjooh leh ka Stroke.
Ha kani ka sngi da pynyoo leh ya ka Basic Life Support (BLS) da ka GVK EMRI, Shillong wa na ka Zumba Fitness Session kawa da pynche heiyatoh wa i chitom klongsnaam.
Wa sdang da ka World Heart Federation, ya kani ka sngi World Heart Day pynche paidbah ko chaphang ka CVD, neibhah ha waroh ka pyrthai ha ka chisnem hadooh 17.9 million ngut yap ki nei kjut klongsnaam wa ka Stroke.
Discussion about this post