Kiwa dang yoh thymme ya u COVID-19 ha Meghalaya hadooh ynne ka 30 tarik da em ki 176 ngut, kiwa dang chait da em 37 ngut wa 4 ngut kiwa dang yap katkam wa pyntip u DHS (MI) ka Meghalaya u Dr. Aman War.
Kiwa dang yoh thymme ha East Khasi Hills da em ki 113 ngut ki bru paidbah. Ha West Garo Hills 30 ngut (chipai-6, paidbah-24), ha North Garo Hills 1, ha East Garo Hills 1, ha Ri Bhoi District 18, ha South West Garo Hills 11 ngut, West Khasi Hills 1 wa ha South West Khasi Hills 1.
Ki bru paidbah wa dang yoh thymme ha East Khasi Hills ynne ka sngi toh ki 85 ngut ki High Risk Contact, kiwa chitom ILI 2 ngut, kiwa chitom SARI 1 katwa kiwi won toh kiwa na kiwi ki Cluster. Ha West Garo Hills toh 11 ngut ki High Risk Contact wa na Hatbari Cluster 13 ngut. Ha Ri Bhoi toh 13 ngut ki High Risk Contact wa 3 ngut kiwa dang liwan. Ha South West Garo Hills 1 wakreh Health.
Kiwa dang chait ynne da em ki ha East Khasi Hills 3 ngut, ha Ri Bhoi 11 ngut, ha West Garo Hills 21 ngut wa ha South West Garo Hills 2 ngut.
Kiwa dang yap toh kini ha wah:
- Ka Donia Khyriem (59 snem) kawa na Mawkriah, EKH kawa da li booh ha Dr. H G Robert Hospital ha ka 24 tarik uni u bnai wei da khlaad noh ko haka 28 tarik.
- U MD Salim (72 snem) uwa na Mawbah da rah cha Nazareth Hospital ha i por 1:20 i step wei da khlaad noh u ha i por 1:40 i step wei da Test wei da chem toh uwa yoh COVID-19 wei uni toh uwa da lai kit chwa cha Woodland wei hadien da phah noh cha Nazareth Hospital wei da khlaad noh u neidaw wa da palat ware i chitom u.
- U Dran Lyngkhoi (68 snem) uwa na Smit, EKH uwa da li booh cha Civil Hospital Shillong ha ka 27 tarik wei da chem toh uwa yoh COVID-19 wei da khlaad u ynne ka 30 tarik heipor step hapoh Hospital.
- Ka Minati Chakraborty (74 snem) kawa na Laban Last Stop kawa da yah cha Bethany Hospital ynne ka 30 tarik ha i por 2:45 i step tangwa da khlaad chwa ko wei manda Test da chem toh kawa yoh COVID-19.
Kiwa dang em COVID-19 ha ki District man ki kamni ha wah:
EAST KHASI HILLS: 1052 (chipai-48, paidbah-1004 ngut)
WEST KHASI HILLS: 9
SOUTH WEST KHASI HILLS: 4
RI-BHOI: 103 (chipai-7, paidbah-96)
WEST JAIÑTIA HILLS: 12
EAST JAIÑTIA HILLS: 213
WEST GARO HILLS: 163 (chipai- 42, paidbah-121)
SOUTH WEST GARO HILLS: 22
SOUTH GARO HILLS: 2
EAST GARO HILLS: 11
NORTH GARO HILLS: 24
Waroh kiwa dang em ya uni u khñiang da em ki 1615 ngut, kiwa da chait da em ki 3975 ngut wa 51 ngut kiwa da yap.
Ki nongmuna kiwa da dep phah Test da em ki 1,50,809 tylli, kiwa da dep Test kiwa ym em chah ktah da em ki 1,45,170 tylli.
Kiwa da psiah chapoh ka jylla da em ki 42,710 ngut.
