19 tylli kool wa thap ha ka sngi sdang ka 1st Women League Football Tournament ka WJDSA

Ka 1^st Women League Football Tournament 2025 ka West Jaiñtia District Sports Asscociation (WJDSA) da sang ka ynne ka sngi deiwa chimbynta 7 tylli ki liang.

Ki yalehke wa da pynman ynne da em ki le tylli.

Ha ka yalehke wa nyngkong, ka 7 Wasa United da jop ko ya ka Sabahmuswang da 7-0.

Ya ka 7 Wasa United da yoh Hat-Trick ka Nidaroiki Biam kawa da thap ha ka minit wa 12, 16 wa 41, neitæ mar ar kool na ka Phyrnai Phawa kawa da thap ha ka minit wa 13 wa 29 wa ka Amethis R Darnei ha ka minit wa 50 wa 55.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ka yalehke wa ar ym yoh wow pyndep ka neidaw wa joor u slap hapyrdi ka Catholic Youth SC wa ka Ladthadlaboh SC.

Ha ka yalehke wa le, ka Carpe-Diem FC beat da jop ko ya ka Q.C.S Women FC da 12-0.

Ya kini ki kool da thap da ka Peacefull Pohplet ha ka minit wa 3, ka Daphi Dkhar ha ka minit wa 9, ka Baiarbha Nongrum ha ka minit wa 15 wa 60, ka Deigracia Dan ha ka minit wa 25, ka Elizabeth Thianglai ha ka minit wa 29, ka Ibanetilut Shylla ha ka minit wa 39 wa 57, ka Glorify Lakiang ha ka minit wa 43, ka Saphika Pyrtuh ha ka minit wa 52 wa 54 wa ka Wailutmitre Pohleng (Own Goal) ha ka minit wa 18.