Ka 1st Division 2023 ka East Jaiñtia Hills District Football Association (EJHDFA) ynne da poi ko cha ka sngi wa soo deiwa pynman ar tylli ki yalehke.
Ha ka yalehke wa nyngkong, ka Rymbai Synrang Shahkhain SC da jop ko da 6-2 yaka Rymbai Pohskur SC.
Ya ki kool ka Rymbai Synrang Shahkhain da thap da u Iaishah Bareh haka minit wa 5 wa 71, u Franki Dkhar haka minit wa 42, u Emon Nongtdu haka minit wa 43, u Ferdinand Nongtdu haka minit wa 85 wa u Shanki Dkhar haka minit wa 90+1 katwa ya ka Rymbai Pohskur da thap da u Chestar Nongtdu haka minit wa 19 wa u Soki Bareh haka minit wa 26.
Ha ka yalehke wa ar, ka Byndihati SC da jop ko da 1-0 yaka Khliehriat West FC da ka kool wa thap u Enikijuh Shylla haka minit wa 31.
Ki yalehke wa bood u pynman ha ka 28 tarik hapyrdi ka Ladrymbai B SC waka Mukhialong heipor 12:00 waje pyrdi wei daw pynbood da ka Tpepswer SSWO waka Shilliang Umshnong SC heipor 2:30 i sngi.
Discussion about this post