Ka 1st Division 2023 ka East Jaiñtia Hills District Football Association (EJHDFA) ynne da poi ko cha ka sngi wa khat-ar deiwa pynman biang ar tylli ki yalehke kiwa man leh ki yalehke wa khaddooh chwa u sdang ka Quarter Final.
Ha ka yalehke wa nyngkong hapyrdi ka Rymbai Synrang Shahkhain SC waka Pamra Paithlu SC da kut ko da 0-0.
Ha ka yalehke wa ar, ka Khliehriat West FC da jop ko da 3-1 yaka Lumputhoi SC.
Ya ka Khliehriat da thap kool da u Jasmine Tlang haka minit wa 4 wa 10 wa u Silgrak Pala haka minit wa 43 katwa ya ka Lumputhoi da thap kool da u Rishan Lyngdoh haka minit wa 17.
Ini mut i wa ka Rymbai Synrang Shahkhain da yoh ko wow psiah Quarter Final na ka Pool C katwa ka Khliehriat West da psiah ko na ka Pool D.
Ka Wahiajer NYSSC waka Rangad SC leh da pyntikna ki u psiah Quarter Final na ka Pool A wa ka Pool B.
Ki Team kiwa daw chah pynhiar kyrdan na ka 1st Division cha ka 2nd Division ha ka samoi wa daw wan man ki kamni:
Lumputhoi SC
Rymbai Pohskur SC
Pamra paithlu SC
Musniang SC
Discussion about this post