Ka 1st Division 2024 ka East Jaiñtia Hills District Football Association (EJHDFA) dapoi ko cha ka yalehke Quarter Final kiwa da pynman ar tylli ynne ka sngi.
Ha ka yalehke wa nyngong, ka Diengshynrum SC da jop ko da 5-1 ya ka Bataw YWSC (FT).
Ya ka Diengshynrum da thap da u Leki Dkhar ha ka minit wa 25 wa 29, u Khrehbha Lyngdoh ha ka minit wa 73, u Welson Lyngdoh ha ka minit wa 76 wa u Fadical Pohshna ha ka minit wa 81 katwa ya ka Bataw da thap da u Mihshwa Lyngdoh ha ka minit wa 31.
Ka yalehke wa ar hadooh wa kut i por da neh ko da 2-2 hapyrdi ka Iatyllilang SC Hingaria wa ka R. Synrang Shahkhain SC wei da pynman da ka yachut Tie-Breaker yow rai ya kiwa jop.
Ya ka Iatyllilang SC Hingaria da thap da u Joshua Surong ha ka minit wa 22 wa 49 katwa ya ka R. Synrang Shahkhain da thap da u Jeremy Nongtdu ha ka minit wa 47 wa u Hikaidame Bareh ha ka minit wa 76.
Kamtæ ha ka yachut Tie-Breaker, ka Iatyllilang SC Hingaria da jop ko da 3-1.
Da ini i jop, ka Diengshynrum wa ka Iatyllilang SC Hingaria da yoh ki wow psiah Semi Final.
Ki Semi Final wa bood u pynman ha ka 16 tarik ar tylli:
Wahiajer Narpuh YSSC Vs Diengshynrum (11:30 AM)
Shillang Umshong SC Vs Iatyllilang SC Hingaria (2:15 PM)
Discussion about this post