Ka 1st Division 2023 ka East Jaiñtia Hills District Football Association (EJHDFA) ynne da poi ko cha ka yakhun Quarter Final wa le kawa da pynman hapyrdi ka Khliehriat West waka Rangad SC kawa da rai ya kiwa jop deiwa yachut Tie-Breaker.
Ka yalehke man ko kawa tyngkhooh para wa yatoh bor heiwa mar ya sdang hapoh 10 minit da ya thap mar chi kool kawa da thap nyngkong da ka Khliehriat West haka minit wa 6 lyngba u Jasmine Tlang tangwa ka Rangad da ye ko wow su kylliang pyn ha ka minit wa 8 lyngba u Hermon Dkhar.
Kini ki kool da neh ki wei ym em de wa yoh u pynkhih jaar hadooh ka kut ka yalehke.
Kamtæ ya kiwa jop da rai deiwa pynman ya ka yachut Tie-Breaker heiwa ka Khliehriat West da jop ko da 5-4 ya ka Rangad yow psiah syndon cha ka Semi Final.
Ka Quarter Final wa khaddooh u pynman mynstep hapyrdi ka Byndihati SC waka Tpepswer SSWO heipor 2:00 waje i sngi.
Discussion about this post