1st Division: Jop ka Mooknor Thadmuthlong ya ka Mookyndur

Ka 12^th Chatister Kharkongor Memorial Trophy kawa man leh kam ka 1^st Division Football Tournament 2024 wa pynman da ka West Jaiñtia District Sports Association da poi ko cha ka sngi wa 15 ynne deiwa pynman kawi ka yalehke.

Ha ka yalehke wa da pynman, ka Mooknor Thadmuthlong da jop ko ya ka Mookyndur da 4-1.

Ya ka Mooknor Thadmuthlong da thap da u Coming Sari ha ka minit wa 9, u Ban Tang ha ka minit wa 45+1 wa u Ioh I Dhar ha ka minit wa 55 wa 63 katwa ya ka Mookyndur da thap da u Jomsing Pariat ha ka minit wa 45+2.

Ka yalehke mynstep u man ko hapyrdi ka Mukhla Evergreen wa Mynthong heipor 2:00 waje i sngi.