Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa khat-khynde ynne ka sngi.
Ka yalehke wa da pynman toh hapyrdi ka Shangpung Moosyiem waka Chutwakhu heiwa da jop da ka Shangpung da 4-0.
Ya ki kool da thap da u Rimino Papeng ha ka minit wa 16, u Keany Langbang ha ka minit wa 40 wa 54 wa u Treimi Langbang ha ka minit wa 80.
Ka yalehke mynstep u pynman hapyrdi ka Mukhla Raij SC waka Wahiajer SC heipor 2:30 i sngi.
