Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa khat-ynru ynne ka sngi.
Ka yalehke wa da pynman toh hapyrdi ka Shangpung Moosyiem waka Dulong heiwa da jop ka Moosyiem da 2-1.
ADVERTISEMENT
Ka Moosyiem da yoh ko wow thap chwa ya ki kool lyngba u Kenny Langbang ha ka minit wa 15 wa u Mewotki Sungoh ha ka minit wa 48 katwa ka Dulong da ye ko wow su chi kool lyngba u Clifford Lytan ha ka minit wa 50.
Ka yalehke mynstep u man ko hapyrdi ka Luti Tuber Ialong SC waka Sailung Ialong SC heipor 2:30 i sngi.
