Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa khat-ar ynne ka sngi.
Ka yalehke wa da pynman toh hapyrdi ka Wahiajer waka Moosalyngkat heiwa da jop ka Wahiajer da 2-0.
Ya ki kool ka Wahiajer da thap da u Nike Pakma ha ka minit wa 20 wa u Ebormi Jat ha ka minit wa 82.
Ka yalehke u pteiñ biang ha ka 17 tarik hapyrdi ka Mukhla Evergreen SC waka Chilliangraij SC heipor 2:30 i sngi.
