U MLA ka Gambegre uwa man leh u President ka Nationalist Congress Party (NCP) u Saleng A Sangma da ong u wa ka NCP daw booh kyrtong ko du 2-3 ngut neibynta ka Election MDC ha Garo Hills Autonomous District Council (GHADC) du wow pynyoo wa ka Party em hi ko.
Hawa kylli ya i daw, u Saleng da ong u wa i em tkoh wei em iyi iyi cha lyndet i rukom krehkaam ha GHADC, da pynsñiaw u leh yei phylla kammon kiwa kreh ha kani ka Council da kreh ki la 3 snem khlem tulop.
Da ong u wa emkaam wa ki MDC u man ki ki bru kiwa stat wei chemphang lada kwah wow yoo yei kylla wei i lai bait i synchaar ha GHADC.
Da ong chooh chooh u wa iwi tawon i daw wa ka Party ym kwah ko wow booh boon ngut ki kyrtong ha ka Election MDC toh neidaw wa ym em aiñ wow yada nei yut seiñ neibhah kamwa man ha ki por wa dadep ki MDC kiwa jop na kawon kawon ka Party mih ki katwa ngait wei ym myntoi lada kreh ka Party katwon katwon leh.
