Ki chipai ka Border Security Force (BSF) na ka 81st Battalion da yoh kem ki hadooh 2.177 Kg i ksiar wa chongdor Rs 1.72 klur ha khappood ka NC Nagar hapoh Sonamura, Sepahijala District ka jylla Tripura.
Ini i yoh kem ksiar toh iwa boon dooh ha ki ar snem.
U Rajesh Kumar Langeh, Second-in-Command ka BSF 81st Battalion da ong u wa hadien wa tip tikna wa daw em i rah tooh ya i ksiar na khappood Bangladesh, da pynman ki yei kynreh da i yahkhmat u Company Commander ka NC Nagar Border Outpost (BOP) wei da yoh ya i ksiar ha i miet ka 3 wa 4 tarik.
Ini i ksiar toh ha i dur i Biscuit wa i chyieñ wei da ieh ya ki chadien da ki damok kiwa da yut ki na ini i thaw mar ya yoo ya ki BSF.
U Langeh da ong u wa da yoh khubor kajiak hajrong kini ki damok wei daw thooh ya ki.
Discussion about this post