2 ngut ki kynthai na ki 152 ngut ki commando kiwa man kam ki SF 10

Shillong: U Montri Rangbah ka jylla u Dr. Mukul M Sangma ynne da salaam u ya ki soo tylli ki Platoon Commando ha ka Passing Out Parade wada pynman yong ka 2^nd Batch Recruit Commando Basic Training of SF 10 (40^th Batch) ha 1 MLP APTC Mawiong, Shillong.

Ha kani ka sngi da emlang u Home Minister u H D R Lyngdoh, Minister of School & Literacy ka Deborah Marak, Minister of Sports & Youth Affairs u Zenith M Sangma, Minister of Urban Affairs u R V Lyngdoh wa u montri wa thymme ka jylla u Dr. Celestine Lyngdoh.

Hei klam ha kani ka sngi u Dr. Mukul M. Sangma da ekhublei u ya kini ki pulit commando wei da ong u wa kani ka 2^nd Batch pynyoo ko wa ka sorkar jylla bien ko u e i chakri ya ka jylla wa ka ri waroh kawi. Da sñiawngooh u leh ya ka Meghalaya Police kamjooh kiwa hayung hasem yong ki pulit kiwa da kyrchaan ya kini ki pulit.

Da ong u leh wa ka sorkar kreh ko wow wanrah yei chong suk chong saiñ hapoh ka jylla deiwa wanrah ya kiwa boon ki kaam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Dr. Mukul da kyntu u leh ya kini ki pulit commando wow yait ki na kiwon kiwon ki kaam wa man pyrchah wei wow kreh ki katkam wa da hukum ya ki. Da kyntu u leh ya kiwa hayung hasem ki pulit wow kyrchaan ki ya kini ki pulit khnang wow ye ki u pyndep yei kaamram yong ki.

Ha kani ka batch yong ka SF 10 da em 152 ngut ki commando wa ar ngut ki kynthai wa ka Unit wa 50 ngut kiwa da chah hikai wow kreh yei Law and Order Riot Control. Da pynkupburom leh ya 8 ngut ki commando kiwa da poi bha chakhmat heipor wa esikai.

Ya kani ka esikai da leh da u Brigadier (Retd) WBJ Sturgeon heiwa da sikai ya kiwa sikai na ki chipai wa tip kam ki Instructors of Army Special Forces.