20 snem phah kset ka yung bichaar ya uwa slaitbor ya ka khynnah wa dang 11 snem

Ha ka 18 tarik uni u bnai, ka P. Syngkon kawa man kam ka Special Judge, POCSO, West Jaiñtia Hills Distict, Jowai da rai pynrem ko ya u Heingaid Bareh hapoh ki kyndon Section 3(a) wa Section 4 ka POCSO Act, 2012 kiwa yatoh wa ki kaam slaitbor ya ki khynnah.

Kani ka Case toh kawa da jia ha ka 06-11-2017 wei da yoh FIR ha ka sngi wa bood heipor 2:30 i sngi na kawi ka manbei kawa da khana wa ka khon ko kawa dang 11 snem i rta da chah slaitbor ko ha u Heingaid Bareh heipor wa dang lai ko wa kawi ka lok ko yow pynlang dieñ na khloo yow thang diñ ha yung.

Uni u bru hadien wa da kiad kani ka khynnah da yut u na ini i thaw wei da booh ya ka Case ha Jowai PS heiwa da takit da ka WPSI R.M. Suchiang wei da Charge Sheet hapoh ka Section 4 ka POCSOAct.

Kamtæ hadien wa kut i bichaar da phah kset ya u Heingaid Bareh 20 snem deilang ka kuna kawa Rs. 30,000.

Related posts

Ha ka 19th Poisition yoh u khynnah ka Shangpung RMSA Sec. School ha ka SSLC

April 9, 2026

Chah ieh iwi i khonboo wa dang dep kha ha ka Gate ka Ganesh Das Hospital

April 8, 2026