20 snem phah kset ka yung bichaar ya uwa slaitbor yaka khynnah wa 15 snem

U SP ka East Khasi Hills da pyntip u wa haka 02-11-21 da yoh FIR ha Mawlai Police Station wa em kawi ka kynthai kawa dang 15 snem wa chah slaitbor ko ha u Dresstar Kurbah ha u Naiynru u snem 2021 hi.

Kamtæ da pynman ya ka takit da ka WP SI Lavinia S Kongwang wei da Register yaka Case hapoh ka kyndon 5(j)(ii)/6 ka aiñ POCSO Act wei da Charge Sheet ya u Dresstar haka 12-01-22.

Hadien wa pyndep wow bichaar da u Special Judge (POCSO), Shillong, u M. Kumar da chem u wa u Dresstar Kurbah toh uwa emkti wow leh ya ini i kaam wei da pynmih hukum ha kani ka 12 tarik yow phah kset 20 snem deiwa khor bha wei hap u leh wow su yaka kuna kawa Rs. 10,000.