Shillong: Kiwa kawang bol ka Meghalaya da pynhaap ki waroh ki 20 tylli ki Wicket ka Sikkim ha ka sngi wa le ka U-23 Col CK Nayudu Trophy wa pynman ha Anantapur, Andhra Pradesh, ynne ka sngi yow jop da chi Innings wa 288 Run.
Ka Meghalaya ha ka First Innings yong ka da kamai ko 405 Run heiwa ka Sikkim da jubab ko da 2/0 hadooh wa kut ka yalehke ynnin.
Ka Meghalaya ynne ar sien da pynhaap ko ya kiwa Bat ka Sikkim, nyngkong da haap lut kiwa Bat ka Sikkim da 63 Run wei da phah ya ka Sikkim wow leh ki ya ka Follow-on wei da haap biang waroh ki Wicket ka Sikkim deiwa kamai won ki du 54 Run, iwa da pynjop ya ka Meghalaya deiwa sah sa chi sngi ka yalehke. Ini da man i i sien wa nyngkong wa jop ka Meghalaya ha kani ka Tournament.
U Captain ka Meghalaya u Akash Kumar, uwa da kamai 74 Run ynnin hawa kawang bol u ynne da yoh u 3/14, u Arbin Singh (2/8), u Kartik Pawar (2/8), Lokesh Turaha (1/8) wa u Salman (1/15) ha ka First Innings ka Sikkim.
Ka Meghalaya ym em pyrkhat ar sien ko wow phah ya ka Sikkim wow Follow-on ko wei ha ka Second Innings ka Sikkim uwa kawang bol ka Meghalaya u Pawar da yoh u 4/10, u Arbin 4/11, u Md Nafees (1/4) wa u Kumar (1/11).
Neiliang kiwa Bat ka Meghalaya, u Rohit Shah toh uwa da leh bha deiwa kamai 200 Run thij chwa u haap u uwa man leh kam u Wicket-keeper.
Discussion about this post