U Chairman ka Khadi & Village Industries Commission (KVIC), u Manoj Kumar hawa wan hiar cha Amlarem Sub-Division, West Jaintia Hills District ha ka 14 tarik uni u bnai, da saam u 200 tylli ki ksiñ ri ngap (Honey Bee Box) cha ki 20 ngut kiwa yoh myntoi hapoh ka Sub-Division.
Na kini, 5 ngut toh kiwa na chnong Jong-U-Chen wa 15 ngut won na Pdengskeh heiwa da yoh ki mar 10 tylli kini ki ksiñ ri ngap.
Ya ini i saam ksiñ ngap da pynman hapoh ka Gramodyog Vikas Yojna kawa man ka Scheme wa da pynkrehkaam da ka Khadi & Village Industries Commission (KVIC) yow kyrchaan ya ki karkhana wa khian wa em ha chnong wa khian namo ki Village Industries wei ya kani ka yalang da pynman ha Pdengkseh, Amlarem Sub-Division, West Jaiñtia Hills.
U Chairman da saam u leh ya ki tiar wow yarap namo ki Toolkits deilang wa ki Certificate cha kiwa yoh myntoi.
U Manoj Kumar da ban joor u yei kaam ka KVIC wow pynman yei ri ngap kam ka laad kamai wei yow pynku ya i rukom im kiwa sah cha palatsor wei da yooluti u deiwa e ya kini ki ksiñ ri ngap cha kiwa boon ki bru ka thaaiñ pynyoo wa ka chnat kwah ko wow pynchlur yei ri ngap yow ye u pynheh ya kani ka khih ha kani ka thaaiñ.
Discussion about this post