Ka yalang pynsñiawthooh ya kiwa kwah u yaleh MCS kawa tip kam ka One Day Orientation Programme da pynman da ki bor District ka West Jaiñtia Hills ha District Library Auditorium Mynthong, Jowai ynne ka sngi.
Neiliang u Extra Assistant Commissioner, u W.K. Kharluki da khana u kammon wow pynkreh ya ka MCS Prelims waka Mains Exam. Da khana u leh yei emkaam wow tip chiboon jait hawa pynkhreh ya kini ki Exam wei wow tip bniah bha ya ka Subject wa da pynkhreh ki neibynta ka Mains Exam.
Da pynchlur u leh ya kiwa kwah u yaleh wow booh da ka thong kammon wow leh ki yow poi chei jop.
Neiliang u Sanatan Das, Sub-Regional Employment Officer, National Career Service Centre for SC/ ST, Jowai, Directorate General of Employment, Ministry of Labour and Employment, Government of India won da khana u kammon wow pynkhreh ya ka MCS Personal interview.
Hawchwa ini, u Additional Deputy Commissioner, u Alexander S Mukhim ha ki kyntien wai phang da ong u wa i thong kani ka Orientation Programme toh yow yarap kammon wow pynkhreh ki ya ka MCS Exam.
Waroh da em 202 ngut ki khynroo khyllood kiwa da wan chimbynta ha kani ka Orientation Programme.
Ya ka yalang ha kani ka sngi da pynlai da ka D D Syngai, Additional Deputy Commissioner, Jowai.
