U Montri Rangbah ka Meghalaya, u Conrad K. Sangma, ynne da e kti u da ki Laptop kam chibynta ka Meghalaya IT Awards 2026 cha ki khynnah skur kiwa da lehbha ha ki Exam ha u snem 2025 ha ka yalang wa da pynman ha U Soso Tham Auditorium, Shillong.
Ya kani ka yalang da pynman da ka Information Technology & Communications Department ka sorkar Meghalaya deiwa emlang u Montri ka chnat Education, u Lahkmen Rymbui.
U Conrad hawa e yei klam da ong u wa e wa kini ki Laptop hanla man ki kam ka yarap wa khian tangwa kam ka dak wow pynkynmoo ya ka thong wa dapoi ki deiwa dooh thiah dooh dem ki u khreh kot.
Kani ka Meghalaya IT Awards toh kawa da sdang nadooh u snem 2007 yow pynkup burom wei pynchlur ya kitu kiwa lehbha hei puræ puthi deiwa saam da ki Laptop.
Ha uni snem da em 203 ngut kiwa pyndep Class 10 wa Class 12 kiwa da yoh Laptop heiwa na kini 131 ngut toh na MBOSE, 51 ngut na CBSE wa 21 ngut na ICSE.
Da em leh ar ngut kiwa duna hei dor i pran wa yoh ya kani ka Award.
Discussion about this post