21 ngut wa yoh COVID-19 hapoh ka jhaad Grand Princess

Sa kawi ka jhaad (Cruise Ship) yong ka Princess Cruises kawa tip kam ka Grand Princess da em 21 ngut kiwa em hapoh yong ka kiwa da pyntikna wa da yoh ki ya u khñiang COVID-19, da pyntip u Vice President ka USA u Mike Pence heiwa na kini, 19 ngut toh ki wakreh hapoh kani ka jhaad.

Kani ka jhaad katni da em ko hajan ka chnong San Francisco wei da em palat 3500 ngut ki bru hapoh yong ka wa kynthup ya 1111 ngut ki wakreh. Ya ki Test Kit da pynhiar deiwa pynemkaam ya ka Helicopter heiwa da chem ya kiwa yoh ya uni u khñiang.

Kiwa em hapoh kani ka jhaad toh kiwa wan na palat 50 tylli ki ri wei ym pu em chim yaka rai kammon u leh ya kini kiwa em hapoh kani ka jhaad.

Ka Company wa pynlai ya kani ka jhaad da suba ki wa ye u man wa da poor uni u khñiang u na ki 62 ngut kiwa da em chwa hapoh kani ka jhaad heipor wa wan ko na Mexico heiwa uwi u bru uwa 71 snem uwa na California da khlaad noh u.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kani ka jhaad da sdang ko ya i lai luti wa ar tayaw na San Francisco cha Hawaii wei haka 4 tarik da uiñ ko cha San Francisco hadien wa yap uni u bru.

6 ngut ki bru wa da em chwa hapoh kani ka jhaad hadien wa wan ko na Mexico, da pyntikna wa da yoh ki ya u COVID-19 wa kynthup ya uwa khlaad.

Hapoh US kiwa yoh ya uni u khñiang da ku ko cha 332 ngut wei da yap la 14 ngut.

Kam wow pynkynmoo wa ini wa dep sa kawi ka jhaad kani ka Company kawa tip kam ka Diamond Princess da yoh kiwa em hapoh yong ka ya u COVID-19 kiwa da poi hadooh 696 ngut wei waroh da yoh ki wow mih noh na kani ka jhaad neithaw wa sangeh ko ha Japan.