Hadien le sngi wa em kiwa yoh COVID-19 palat 300 ngut khlem sangeh ha Meghalaya, ynne da hiar ki hapoh 300 ngut wei da boon da kiwa chait iwa man leh i sien wa le donhi wa da boon da kiwa chait ha uni u bnai. Kiwa da dep chah ktah leh da tam ki 90,000 ngut.
Kiwa dang yoh ynne ka 31 tark da em ki 210 ngut, kiwa chait 246 ngut wa 4 ngut kiwa yap kiwa ha East Khasi Hills (02), Ri-Bhoi (01) wa ha West Garo Hills. Ynne da man ko leh la 12 sngi wa em kiwa yap man-ka-sngi.
Na kiwa dang yoh kiwa boon dooh toh ha East Khasi Hills (124) wa ha West Garo Hills (32). Kiwa dang chait kiwa boon dooh toh ha East Khasi Hills (183) wa ha West Garo Hills (29).
I rukom em kiwa dang chah ktah ha ki District man i kamni:
East Khasi Hills (1137), West Garo Hills (521), Ri-Bhoi (170), West Jaiñtia Hills (91), South West Garo Hills (88), South West Khasi Hills (57), Eastern West Khasi Hills (56), North Garo Hills (53), South Garo Hills (40), West Khasi Hills (37), East Jaiñtia Hills (34), East Garo Hills (29).
Waroh kiwa da chait da em ki 95.78% kiwa em 87,255 ngut, kiwa dang chah ktah 2.53% kiwa em 2313 ngut, kiwa yap 1.67% kiwa em 1526 ngut, deilang dapoi 91,094 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah, kiwa thiah Hospital wa kiwi kiwi man ki kamni ha wah:
