Ka laad pathai khubor ka sorkar pyrdi ka PIB da pyntip ko wa da em 216 tylli ki District hapoh ka ri India ki wym pu em hiwot uwi leh uwa yoh ya u khñiang khlam COVID-19 hadooh ynne ka sngi. Da em leh 42 tylli ki District kiwa ym em de wa yoh ya uni u khñiang la 28 sngi, katwa 29 tylli ki District won wa ym em de wa yoh ha kini ki 21 sngi.
36 tylli ki District ym em wa yoh thymme ya u COVID-19 ha kini ki 14 sngi wa 46 tylli ki District ki wym em de wa yoh ha kini ki 7 sngi.
Kiwa chait waroh da em ki 16,540 ngut iwa da man 29.36 % iwa da ku man ka sngi iwa mut leh uwi na ki le ngut kiwa chah sumaar da chait ki.
Deiwa kheiñlang waroh won nadooh kiwa dang em ya uni u khñiang, kiwa da chait wa kiwa da yap da em 56,342 ngut iwa ku da 3390 ngut hapoh ka ri ha kini ki 24 kynta.
Na kiwa chitom 3.2% toh kiwa emkaam yarap yow riñ mynsien (Oxygen Support), 4.7% won toh kiwa em hapoh ICU wa 1.1% won toh kiwa emkaam yei yarap ki Ventilator.
Discussion about this post