U Prime Minister ka ri, u Narendra Modi ynnin da saam u palat 51,000 tylli ki chithi thung kreh wow man kam ki pulit wa ki chipai kiwa boon ki chnat ka sorkar pyrdi lyngba ka Video Conference kam chibynta ka Rozgar Mela wa da pynman ha 45 tylli ki thaw ha kylleiñ ka ri.
Kani ka Rozgar Mela ha kani ka kynti man ko hapoh ka Ministry of Home Affairs kawa thung kreh cha kiwa boon ki chnat pulit ka sorkar pyrdi namo ki Central Armed Police Forces (CAPF) kam ka Central Reserve Police Force (CRPF), Border Security Force (BSF), Sahashtra Seema Bal (SSB), Assam Rifles, Central Industrial Security Force (CISF), Indo Tibetan Border Police (ITBP) wa Narcotics Control Bureau (NCB) deilang waka Delhi Police.
Kini kiwa yoh kreh toh kiwa da chah jied na kylleiñ ka ri wei kiwa da yoh u man kam ki Constable (General Duty), Sub-Inspector (General Duty) wa Non–General Duty Cadre ha kini kiwa boon ki seiñ ka Ministry of Home Affairs.
Ha Meghalaya da wan da u Montri Khynnah wa pait ya ka Micro Small and Medium Enterprises (MSME), u Bhanu Pratap Singh Verma uwa da chimbynta ha kani ka Rozgar Mela ha Headquarters u Directorate General ka Assam Rifles wa em ha Laitkor, Shillong heiwa oo da saam u ya ki chithi thung kreh cha 218 ngut wei kani da man ko leh kam ka sien wa phra wa da pynman ya kani ka Rozgar Mela.
U Montri da khana u wa hapoh ka Rozgar Mela da booh thong wow e kreh sorkar cha 10 lak ngut ki khynroo khyllood wei ki Exam wa da pynman ha ini i yaleh kreh toh kiwa da pynman ha ki 13 tylli ki jait ktien yow pynsuk ya kiwa yaleh kreh ym du ha ka English wa Hindi kamwa da leh nachwa.
Da khana u leh deiwa saam 51,000 tylli ki chithi thung kreh ha kani ka kynti, ka Rozgar Mela kattu da ye ko wow e kreh cha kamwa 5 lak ngut ki khynroo khyllood ka ri.
Ka Baiahunlang Syngkli kam kawi na kiwa cha jied yow man kam ka dkhot ka BSF na Meghalaya da pynsñiaw ko yei kmen wei sñiawngooh ya u Blai uwa da pynyoh ya ini i kreh deiwa ong wa da kreh chitom bha ko nadooh wa sdang yow yoh ya ini i kreh wei da pynchlur ko leh ya kiwi wow kreh chitom ki neibynta ka ri waka imlang sahlang waroh kawi.
Discussion about this post