Kiwa chah ktah ha u COVID-19 ha Meghalaya da hiar biang ki hapoh 100 ngut deiwa boon da kiwa dang chait ynne ka sngi heiwa ynnin kiwa chah ktah da em ki 111 ngut.
Ha kani ka tayaw kiwa dang yoh COVID-19 ha ka 4 tarik da em ki 6 ngut, kiwa chait 4 ngut. Ha ka 5 tarik kiwa dang yoh da em ki 5 ngut katwa kiwa chait da em ki 6 ngut. Ha ka 6 tarik kiwa dang yoh da em ki 14 ngut katwa kiwa chait da em ki 10 ngut.
Ynne ka 7 tarik kiwa dang yoh da em ki 22 ngut, kiwa dang chait 33 ngut wa 1 wa yap ha Eastern West Khasi Hills.
Na kiwa dang yoh toh ha East Khasi Hills (13), West Garo Hills (05), Ri-Bhoi (02), East Garo Hills (01) wa ha West Jaiñtia Hills (01).
Kiwa dang chait toh ha West Garo Hills (19), East Khasi Hills (12), Ri-Bhoi (01) wa ha South West Garo Hills (01).
Kamtæ kiwa dang chah ktah da em ki 99 ngut kiwa ha East Khasi Hills (58), West Garo Hills (29), West Jaintia Hills (02) wa ha Eastern West Khasi Hills (01).
Waroh kiwa da chah ktah da em ki 94,063 ngut, kiwa chait 92,369 ngut wa 1595 ngut kiwa yap.
